| Добредојдовте на Институтот за математика!
|
|
Институтот за математика при Природно-математичкиот факултет во Скопје е најстарата научно-наставна установа во Македонија која подготвува кадар од областа на математичките науки во сите степени на образованието: прв циклус академски студии (додипломски студии), втор циклус академски студии (постдипломски студии), а изведува и настава во рамките на Школата за докторски студии на УКИМ (трет циклус студии). Институтот е основан во далечната 1946 година како Kатедра по математика во рамките на Филозофскиот факултет во Скопје.
Во својата шеесет и шест годишна традиција, Институтот за математика има постигнато завидно ниво во научната работа, а ги задржа и високите стандарди во изведувањето на наставата. Следејќи ги современите текови на изведувањето на наставата, како и на технолошкиот напредок во целост, со повремени промени на наставните планови програмите, како и со формирање на нови студиски насоки, Институтот за математика формира квалитетни кадри кои можат да одговорат на предизвиците на современиот живот.
|
|
| ШТО ИМ НУДИМЕ НА НАШИТЕ СТУДЕНТИ
|
- КВАЛИТЕТНА НАСТАВА ПО СИТЕ ДИСЦИПЛИНИ И ОДЛИЧНА КОМУНИКАЦИЈА СО ПРОФЕСОРИТЕ
- БИБЛИОТЕКА СО ПРЕКУ 25000 РАЗЛИЧНИ НАСЛОВИ
- ЛИТЕРАТУРА НА МАКЕДОНСКИ ЈАЗИК ПО СКОРО СИТЕ ПРЕДМЕТИ
- ЧИТАЛНА СО ИНТЕРНЕТ И КОМПЈУТЕРСКИ УЧИЛНИЦИ
Математиката не е само најмоќното орудие што го создал човекот за да ги проучува и победи слепите природни сили. Таа е исто така најубав производ на човечката фантазија и нејзината вредност како уметничко дело ја надминува нејзината корисност во очите на оние што ја познаваат... Таа има убавина што и' е својствена само нејзе и нејзиното проучување може да пружи најинтензивни интелектуални радости.
E. Borel
|
|
|
| ЗОШТО ДА СТУДИРАТЕ НА ИМ?
|
Студиите на ИМ се одлична основа за вработување и креирање на успешна кариера.
Било да се на додиплoмски, постдипломски или докторски студии, студентите по математика се одликуваат со креативност, оригиналност и прилагодливост.
Затоа се успешни и ценети во разни области - во наставата, стопанството и економијата.
Каде се и кои се некогашните студенти на ИМ?
Етички кодекс на УКИМ
|
|
